നീലിമയിലെ പച്ചപ്പുകള്‍

മാറല പിടിച്ച ജനാല വാതില്‍ക്കല്‍

നിന്നുകൊണ്ടതിയായ

ആഗ്രഹം കൊണ്ട് നോക്കി

മനസ്സ് പച്ചപ്പിനായി തേടുന്നു

പിന്നീട് നോക്കേണ്ടിയിരുന്നില്ല

എന്നു തോന്നിപ്പോയി

കണ്ണടയ്ക്കുവാന്‍ കഴിയുുന്നില്ല

കണ്ണു മരവിച്ചു പോയിരിക്കുന്നു

കൃഷ്ണമണിയുടെ നീലപ്പില്‍

അതാ ചാരനിറമുളള ഭൂമിയും

അതില്‍ കുറ്റിയായ് നില്‍ക്കുന്ന മരങ്ങളും

ഭൂമി മനുഷ്യമനസ്സുപോലെ 

വരണ്ടുണങ്ങിയിരിക്കുന്നു.

അതില്‍ പച്ചപ്പിന്റൊരംശംപോലുമില്ല.

നനവിന്റെ കണികപോലുമില്ല.

പറവകളതാ തന്‍കൂട്ടില്‍ 

ബോധക്ഷയം വന്നു കിടക്കുന്നു

ലതാദികളെല്ലാം തളര്‍ന്നു വീണു

സൂര്യരശ്മികള് തളിരിലകളെ തളര്ത്തുന്നു

തളര്‍ത്തുന്നു,

വെള്ളത്തുള്ളികളെ ബാഷ്പീകരിക്കുന്നു

ഭൂമീദേവി സൂര്യരശ്മിയില്‍ 

ഉരുകിയൊലിക്കുന്നു

മനുഷ്യജന്മത്തിനു ബലിയാടാവുകയാണോ പ്രകൃതീ.......................

കൃഷ്ണമണിയുടെ നീലിമയില്‍

വരണ്ടുണങ്ങിയ  ഭൂമിയില്‍ പച്ചപ്പിനായി എന്റെ മനസ്സ് തേടുന്നു...............

                     

                                                        മാനസ. എ

                                                          IX എ

വിദ്യാലയ ചരിത്രം

   ഹിമാലയത്തിലെ ബദരീനാഥത്തിലേക്കുള്ള തീര്‍ത്ഥയാത്രയില്‍ മരിച്ച സ്വപത്നിയുടെ നാമം അനശ്വരമാക്കുവാന്‍ ആഗ്രഹിച്ച് നവഭാരത ശില്‍പികളിലൊരാളെന്ന് അറിയപ്പെടുന്ന സര്‍.ചേറ്റൂര്‍ ശങ്കരന്‍ നായര്‍ തന്റെ ഭാര്യയുടെ ജന്മനഗരമായ ഒറ്റപ്പാലത്ത് അവരുടെ നാമത്തില്‍ പെണ്കുട്ടികള്‍ക്കുവേണ്ടി ഒരു ഹൈസ്കൂള്‍ സ്ഥാപിക്കുവാന്‍ ആഗ്രഹിച്ചിരുന്നു. വിദ്യാഭ്യാസജില്ലാബോര്‍ഡിന് സംഭാവന നല്‍കിക്കൊണ്ട് അദ്ദേഹം  വിദ്യാഭ്യാസരംഗത്ത് അന്ന് തീരെ പിന്നിലായിരുന്ന ഒറ്റപ്പാലത്തെ വനിതകള്‍ക്കായി എല്‍.എസ്.എന്‍.വിദ്യാലയം തുറന്നുകൊണ്ട് അന്നത്തെ ഒറ്റപ്പാലത്തെ ഒരു വലിയ ആവശ്യം നിറവേറ്റി. 

                മലബാര്‍ പ്രദേശം മുഴുവന്‍ വിദ്യാഭ്യാസപ്രവര്‍ത്തനങ്ങള്‍ നിര്‍വഹിക്കേണ്ടിവന്ന ജില്ലാബോര്‍ഡ് അധികൃതര്‍ 1938 ജൂണില്‍ എല്‍.എസ്.എന്‍.സ്കൂള്‍ അടച്ചിട്ടു. ഈ വാര്‍ത്ത വര്ത്തമാന പത്രത്തില്‍ വന്നപ്പോള്‍ അപ്പസ്തോലിക്ക് കാര്‍മ്മല്‍ വിദ്യാഭ്യാസ ഏജന്സിയുടെ സ്നേഹിതരും അഭ്യുദയകാംക്ഷികളും അടച്ചിട്ടിരുന്ന വിദ്യാലയത്തിന്റെ മാനേജ്മെന്റ് ഏറ്റെടുത്ത് നടത്തുവാന്‍ അവരോടാവശ്യപ്പെട്ടു. ജില്ലാബോര്‍ഡും ഇതില്‍ വളരെ അധികം താല്‍പര്യം പ്രകടിപ്പിച്ചു. അങ്ങനെ 1938 ജൂണ്‍ 22-ാം തിയതി 33 പെണ്‍കുട്ടികളെ ചേര്‍ത്ത് സ്കൂള്‍ പുനരാരംഭിച്ചു. കുട്ടികളുടെ എണ്ണം ക്രമേണ വര്‍ധിച്ചു. 1940 മാര്‍ച്ചില്‍ ആദ്യത്തെ പത്ത് പേര്‍ എസ്.എസ്.എല്‍.സി. പരീക്ഷയ്ക്കിരുന്നതില്‍ 9പേര്‍ വിജയിച്ചു.

1942-ല്‍ മലയാളം മാധ്യമമാക്കിക്കൊണ്ട് അധ്യാപകപരിശീലന വിദ്യാലയം ആരംഭിച്ചു. പതിനെട്ടു കൊല്ലത്തിനുശേഷം 1961 ജൂണില്‍ ആ വിദ്യാലയത്തിന് സ്ഥിരാംഗീകാരം ലഭിച്ചു. ഒന്നു മുതല്‍ നാലു വരെയുള്ള ക്ലാസുകള്‍ ഒരു പുതിയ ഘടകമാക്കി പ്രവര്‍ത്തനം തുടങ്ങി. ഇപ്പോള്‍ എല്‍.പി.വിഭാഗം ട്രൈയ്നിങ്ങ് സ്കൂളിന്റെ മോഡല്‍ സ്കൂളാണ്. 2000 മുതല്‍ സയന്‍സ്, കൊമേഴ്സ് ഗ്രൂപ്പ് ഉള്‍ക്കൊള്ളുന്ന ഹയര്‍സെക്കന്ററി വിഭാഗം ഇവിടെ പ്രവര്‍ത്തിക്കുന്നു. ഇന്ന് ഹൈസ്കൂളില്‍ ആയിരത്തിഅറുന്നൂറോളവും എല്‍.പി.യില്‍ നാനൂറോളവും വിദ്യാര്‍ത്ഥിനികളുണ്ട്.